நாங்கள் இல்லாமல்

நானும் நீங்களுமாய்

வாழ்ந்த தெருக்களில்
உங்கள் பாதச்சுவடுகளை

தேடி போனேன்
கணக்கின்றி வளர்ந்திருந்தது
தகரைகள் எங்கள் வீதியில்
எட்டி பிடுங்கிய புளியமரம்
எறிந்து பிடுங்கும் அளவு

உயர்ந்து இருக்க
தோடு போட்ட கொன்றை மரம்

பூத்து குலுங்க
வாசல் வேப்பமரத்து

அந்த ஜோடி காக்கைகள்
நேரம் தவறாமல் வந்து அழைப்புவிட
பனங்காய் சாப்பிட அந்த சிவப்பி மாடு
இப்பவும் வேலியால் வர என்று
எதுவும் மாறாமல் இருந்தது
நாங்கள் இல்லாத எங்கள் வீட்டிலே